ورزش

کرېکټ : افغان کرېکټ لوبډله نن له زیمبابوې سره مخامخ کېږي

اشتراک گذاری:

(بریانیو دوشنبه (۲۷/ میزان /۱۴۰۵هـ.ش

د افغانستان د کرېکټ ملي لوبډله نن، دوشنبه، د افغانستان، بنګله‌دېش او زیمبابوې ترمنځ د درې اړخیزې یو ورځنۍ لوبلړۍ په دویمه لوبه کې له زیمبابوې سره سیالي کوي

ټاکل شوې چې دا لوبه د افغانستان پر وخت د مازدیګر په ۴ بجو د متحده عربي اماراتو په ابوظبۍ ښار کې د شیخ زاید په لوبغالي کې پیل شي

د دغې لوبلړۍ په لومړۍ لوبه کې زیمبابوې بنګله‌دېش ته د ۹۹ منډو په توپیر ماتې ورکړې وه او په دې توګه یې د سیالیو پیل په بریا کړی و. اوس به افغان لوبډله هڅه کوي چې د زیمبابوې پر وړاندې بریا خپله کړي او په لوبلړۍ کې خپل دریځ پیاوړی کړي

د درې اړخیزې لوبلړۍ سیالۍ د اکتوبر له ۱۷مې تر ۲۳مې پورې په متحده عربي اماراتو کې ترسره کېږي او د پایلوبې لپاره به دوه غوره لوبډلې یو بل ته مخامخ شي