اخبار فوری
فــــهــــيـــم شـاهـیـن
15 اسد 1405
45
رضا پهلوي: د ایران راتلونکی باید د ولس په رایه او ازادو ټاکنو وټاکل شي
بریانیوز/ پنجشنبه ( ۱۵ / اسد /۱۴۰۵هـ.ش)
پاریس – د ایران د پخوانۍ شاهي کورنۍ غړي، شاهزاده رضا پهلوي، د ایران د اساسي قانون د فرمان د کلیزې په مناسبت د مشروطیت غورځنګ د هېواد د معاصر تاریخ له مهمو سیاسي خوځښتونو څخه وباله او ویې ویل، د ولسواکۍ او د خلکو د حاکمیت ارزښتونه باید خوندي پاتې شي
رضا پهلوي پر هغو سیاسي جریانونو نیوکه وکړه چې د هغه په وینا، د ملت له حاکمیت او د خلکو له ازادو رایو سره مخالفت کوي
هغه ټینګار وکړ چې له حکومت څخه د دین جلاوالی، د قانون واکمني او د ولس ارادې ته درناوی د مشروطیت د انقلاب له اساسي موخو څخه دي او د ایران د راتلونکي لپاره هم مهم ارزښت لري
رضا پهلوي زیاته کړه، د هغه په راتلونکي سیاسي لیدلوري کې د ازادو او عادلانه ټاکنو ترسره کول او د مؤسسانو د مجلس جوړول شامل دي، څو د ایران د راتلونکي سیاسي نظام په اړه وروستۍ پرېکړه د خلکو له خوا وشي
د نوموړي څرګندونې په داسې وخت کې کېږي چې د ایران د راتلونکي سیاسي جوړښت په اړه د بېلابېلو مخالفو ډلو او سیاسي څېرو ترمنځ بحثونه دوام لري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl