سیاست

امام علي رحمان: د نوروز ګډ تمدني میراث د ایران او تاجیکستان اړیکې پیاوړې کولی شي

اشتراک گذاری:

بریانیوز سه شنبه ( ۱۰/ سنبله /۱۴۰۵هـ.ش)

دوشنبه — د تاجیکستان ولسمشر امامعلي رحمان وايي، د ایران او تاجیکستان ترمنځ ګډ تمدني او تاریخي اړیکې کولی شي د دواړو هېوادونو ترمنځ د اړیکو د لا پراختیا لپاره زمینه برابره کړي

رحمان د ایران او تاجیکستان ترمنځ د ګډو تمدني اړیکو په یادولو سره ویلي، د نوروز تمدني حوزه د دواړو هېوادونو ترمنځ د فرهنګي او نورو همکاریو د پراختیا لپاره مناسبه زمینه ده

د تاجیکستان ولسمشر زیاته کړې چې هېواد یې «شپه او ورځ» د ایران د خلکو د سولې او ارامۍ په فکر کې دی او د ایران اسلامي جمهوریت لپاره د بریا هیله لري

نوموړي ډاډ څرګند کړی چې د ایران خلک به د خپل تاریخي تجربې او تدبیر پر مټ له اوسنیو ننګونو بریالي ووځي او له دغو ستونزو سره به په بریالیتوب مقابله وکړي

رحمان ټینګار کړی چې د ایران او تاجیکستان ترمنځ تاریخي، ژبني او فرهنګي اړیکې د دواړو هېوادونو ترمنځ د نږدې همکارۍ لپاره مهم بنسټ جوړوي