سیاست

جي ډي وینس: که د اخر زمان دجال زموږ په منځ کې وي، حیران به نه شم

اشتراک گذاری:

بریانیوز جمعه ( ۱۳/ سنبله /۱۴۰۵هـ.ش)

واشنګټن — د امریکا مرستیال ولسمشر جي ډي وینس ویلي، په نړۍ کې داسې وضعیتونه شته چې له امله یې هغه به حیران نه شي که د «اخر زمان دجال» لا دمخه د خلکو په منځ کې وي

وینس دا څرګندونې له عیسوي مذهبي ویناوال برایس کرافورډ سره په یوه مرکه کې کړې دي. نوموړي ویلي چې نه پوهېږي اوسنی وخت د «اخر زمان» دوره ده که نه، خو د نړۍ ځینې روان حالات داسې دي چې د دجال د موجودیت احتمال ورته د حیرانتیا وړ نه ښکاري.

نوموړي ټینګار کړی چې هڅه کوي پر دغو مذهبي موضوعاتو ډېر تمرکز ونه کړي، ځکه د ده په باور، د انسان لپاره مهمه ده چې خپلې کورنۍ او د هېواد د مشر په توګه خپلو مسوولیتونو ته پام وکړي

وینس د مصنوعي ځیرکتیا او د انسانانو ترمنځ د اړیکو د کمېدو په اړه هم اندېښنه څرګنده کړې او ویلي یې دي چې د ټکنالوژۍ ځینې پرمختګونه ورته د «روحاني تیارو» احساس ورکوي

د امریکا د مرستیال ولسمشر دغه څرګندونې د ټولنیزو شبکو او رسنیو د پام وړ ګرځېدلې دي، خو وینس نه دي ویلي چې دجال څوک دی او یا یې د نړۍ له کوم مشخص مشر سره تړاو ورکړی دی