سمیع یوسفزی: د پاکستان بریدونه ناروا دي، طالبان د اوسني وضعیت مسبب دي

اشتراک گذاری:

ازاد خبریال سمیع یوسفزي وايي، د پاکستان له لوري پر افغانستان هر ډول پوځي برید «ناروا او مطلقاً د منلو وړ نه دی».

بریانیوز- پنجشنبه، ٢ میزان ١٤٠٥

یوسفزي ټینګار کړی چې طالبان هم د اوسني وضعیت په رامنځته کېدو کې خپله ونډه او مسئولیت لري. د هغه په وینا، طالبان له خپل ولس سره په شخړه کې دي، له نړیوالې ټولنې سره یې اړیکې له ګڼو ستونزو سره مخ دي او ان پاکستان ته یې زمینه برابره کړې چې هر مهال وغواړي، افغانستان په نښه کړي.

نوموړي ویلي، پاکستان ظاهراً طالبان خپل اصلي هدف نه بولي، خو که یوه ورځ د طالبانو مشران په مستقیم ډول په بریدونو کې په نښه شي، نو د ده په باور، دا وضعیت به د طالبانو لپاره جدي او درانه سیاسي او امنیتي عواقب ولري.

سمیع یوسفزي ټینګار کړی چې افغانستان باید نه د پاکستان د بمبارۍ په ډګر بدل شي او نه هم د طالبانو شخصي ملکیت وګرځي.

هغه زیاته کړې چې د افغانستان امنیت، ملي حاکمیت او د هېواد راتلونکی باید د افغان ولس د ارادې پر بنسټ وټاکل شي.