اخبار فوری
د طالبانو محدودیتونو افغان ښځې له بېوزلۍ سره مخ کړې؛ د ښځو د کار محرومیت افغانستان ته ۹۲۰ میلیونه ډالره اقتصادي زیان اړولی
شفيق احمد
16 عقرب 1405
24
افغان ښځې وايي، د طالبانو له بیا واک ته رسېدو وروسته پر زدهکړو او کار د محدودیتونو له امله یې اقتصادي وضعیت خراب شوی او ګڼې کورنۍ یې له سختې بېوزلۍ سره مخ کړې دي.
بریانیوز- شنبه، ۱۶ عقرب ۱۴۰۵
د ملګرو ملتونو د ښځو څانګې د ۲۰۲۶ کال د راپور له مخې، په ټوله نړۍ کې ۴۲۶ میلیونه ښځې او نجونې په سخته بېوزلۍ کې ژوند کوي.
په ورته وخت کې، د کار نړیوال سازمان د شمېرو له مخې، افغانستان په نړۍ کې د ښځو د کاري ګډون له پلوه دوهم ټیټ هېواد دی؛ دا وضعیت د ښځو له اقتصادي فعالیتونو څخه د پراخ محرومیت څرګندونه کوي.
د ملګرو ملتونو د ښځو څانګې د معلوماتو پر بنسټ، د ۲۰۲۴ او ۲۰۲۶ کلونو ترمنځ د افغان ښځو له کار څخه د محرومیت له امله د افغانستان اقتصادي زیان شاوخوا ۹۲۰ میلیونه ډالرو ته رسېږي، چې د هېواد د ناخالص کورني تولید ۵.۸ سلنه جوړوي.
افغان ښځې وايي، د زدهکړو او کار پر محدودیتونو سربېره، د کورنیو اقتصادي ستونزو هم د دوی ژوند له جدي ننګونو سره مخ کړی او د ژوند لومړنۍ اړتیاوې ورته ورځ تر بلې سختې شوې دي.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl