اخبار فوری
شفيق احمد
24 میزان 1405
7
په روسیه کې د طالبانو سفیر، ګل حسن حسن، په مسکو کې د ټولیز امنیت تړون سازمان او د شانګهای همکارۍ سازمان په غونډه کې پاکستان د سیمې او افغانستان امنیت ته لوی ګواښ بللی دی.
بریانیوز- جمعه، ٢٤ میزان ١٤٠٥
حسن ادعا کړې، چې پاکستان د طالبانو وسلهوالو مخالفینو ته پناهځایونه ورکړي او د طالبانو د حکومت پر ضد یې جګړې ته هڅوي.
نوموړي همداراز پر پاکستان تور پورې کړی، چې داعش ډلې ته یې پناه ورکړې او د نشهيي توکو کرکېله او قاچاق یې زیات کړي دي.
د طالبانو سفیر د خپلو ادعاوو د ملاتړ لپاره ویلي، چې په دې اړه ګڼ شواهد، څرګندونې او راپورونه شته دي. د هغه په وینا، پاکستان د بلوچستان په سیمه کې داعش ډلې ته پناهځایونه جوړ کړي دي.
حسن په نورستان او بدخشان ولایتونو کې د وروستیو بریدونو تر شا هم د پاکستان لاس بللی، خو په دې اړه یې په خپرو شویو څرګندونو کې د مشخصو شواهدو جزئیات نه دي روښانه کړي.
دا څرګندونې په داسې حال کې کېږي، چې د طالبانو او پاکستان ترمنځ د امنیتي وضعیت او د وسلهوالو ډلو د فعالیتونو پر سر اختلافات د دواړو لورو په اړیکو کې مهمه موضوع ده.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl