اخبار فوری
د چین د بهرنیو چارو وزارت اعلان کړی : د طالبانو او پاکستان د اړیکو د ښه کېدو لپاره همکارۍ ته چمتو یو
فــــهــــيـــم شـاهـیـن
19 قوس 1404
10
د چین د بهرنیو چارو وزارت اعلان کړی چې دغه هېواد د افغانستان د طالبانو او پاکستان ترمنځ د روانو ترینګلتیاوو په کمولو کې د منځګړیتوب او مرسته کولو لپاره بشپړ چمتووالی لري. د وزارت ویاند ګوئو جیاکون په یوې خبري ناستې کې وویل چې بیجینګ دواړه اړخونه د خبرو او ډیالوګ پر لور هڅوي ترڅو د شخړو د پراخېدو مخه ونیول شي
جیاکون ټینګار وکړ چې چین به د اړتیا په صورت کې د دواړو هېوادونو ترمنځ د ناستو، تفاهم او همکارۍ لپاره اسانتیاوې برابرې کړي. د هغه په وینا، بیجینګ د هر هغه اقدام ملاتړ کوي چې د سیمهییزې سولې، ثبات او امنیت د ټینګښت لامل شي
ویاند زیاته کړه چې د چین دریځ روښانه دی:
اختلافات باید د رغنده تعامل، خبرو او همکارۍ له لارې مدیریت شي
نوموړي وویل چې د طالبانو او پاکستان ترمنځ وروستي ترینګلتیاوې د کړکېچ د پراخېدو خطر لري او دواړه اړخونه باید د وضعیت د لا خرابېدو مخه ونیسي
چین چې له افغانستان او پاکستان سره نږدې اقتصادي او امنیتي اړیکې لري، د دواړو هېوادونو ثبات د سیمې د پراخې امنیتي نقشه لپاره مهم بولي. بیجینګ مخکې هم ویلي چې د شخړو پراخېدل نه یوازې د دواړو هېوادونو په زیان دي، بلکې د ټولې سیمې امنیت اغېزمنوي
تر اوسه د طالبانو او پاکستان چارواکو د چین د تازه څرګندونو په اړه رسمي تبصره نه ده کړې، خو د سیمې څارونکي باور لري چې د بیجینګ منځګړیتوب کولی شي د دواړو لورو ترمنځ د باور د فضا په رامنځته کولو کې مهم رول ولوبوي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي