اخبار فوری
په سپینبولدک کې د درې ښځو مړي موندل شوي؛ د وژنې انګېزه لا هم ناڅرګنده ده
-
امین الله
13 دلو 1404
151
ځايي سرچینې په کندهار ولایت کې وايي چې د دې ولایت د سپینبولدک ولسوالۍ څخه د درې ښځو جسدونه موندل شوي چې «په ډېرې بېرحمۍ» وژل شوې دي.
بریا نیوز( دوشنبه، ١٣ دلو ١٤٠٤)
د سرچینو په وینا، دغه جسدونه نن (دوشنبه، د دلو ۱۳مه) د سپینبولدک ولسوالۍ د شپږمې ناحیې اړوند د «سارګو» غره ته نږدې موندل شوي دي.
سرچینې زیاتوي چې دا جسدونه په یوه «بوجۍ» کې اچول شوي او خاورې ته سپارل شوي وو.
د راپورونو له مخې، نښې نښانې ښيي چې دغه ښځې څو میاشتې وړاندې وژل شوې وې او وروسته یې جسدونه د غره په لمنه کې ښخ شوي دي.
سرچینې وايي چې دا جسدونه د پېژندنې لپاره د سپینبولدک ولسوالۍ دولتي روغتون ته لېږدول شوي دي.
تر اوسه د وژل شوو ښځو هویت او د هغوی د وژنې انګېزه نه ده روښانه شوې.
په کندهار کې د طالبانو ځایي چارواکو تر اوسه په دې اړه څه نه دي ویلي.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl