اسراییل: که د ایران تړون «ناوړه» وي، امریکا باید خپل ځواک ډېر کړي

 اسراییل: که د ایران تړون «ناوړه» وي، امریکا باید خپل ځواک ډېر کړي

بریانیوز:(دوشنبه ۱۳ دلو۱۴۰۴)                   

د اسراییلو د ۱۲ شبکې راپور ښيي چې د اسراییلو لوړپوړو امنیتي او پوځي چارواکو واشنګټن ته پرله‌ پسې سفرونه، مستقیم د هغه ژورو اندېښنو سره تړاو لري چې

تل‌آویو یې د امریکا او ایران ترمنځ د احتمالي «ناوړه تړون» په اړه لري. د شبکې د راپور له مخې، اسراییل اندېښمن دی چې د امریکا حکومت ممکن د شخړې د کمولو په هڅه کې داسې تړون ومني چې د تل‌آویو له نظره، د ایران ستراتیژیکې ګواښونه په ریښه ونه ختموي

د راپور په اساس، اسراییلي چارواکو د امریکا له همتایانو سره په لیدنو کې درې مهم او غیرقابل مذاکره شرطونه د هر ډول احتمالي تړون لپاره وړاندې کړي دي. لومړی شرط د دې لپاره دی چې ایران هېڅکله اټومي وسلې ته نه رسېږي او د اورانیم غني کولو ټولې جوړښتونه له منځه ځي؛ دا هغه «سرحدي کرښه» ده چې اسراییل یې د خپل ملي امنیت لپاره خورا مهم بولي. له دوی نظره، هر ډول غني کول، حتی د نړیوالو څارونکو تر نظر لاندې، ایران د «اټومي دروازې» ته نږدې کوي

دویم شرط د ایران د توغندیو پروګرام بشپړ بندول دي. تل‌آویو باور لري چې د ایران توغندي، په ځانګړي ډول اوږده واټن او دقیق توغندي، د اټومي پروګرام بشپړولو ته مرسته کوي او حتی د اټومي وسلې په نه‌درلودو سره هم، د اسراییلو او د سیمې د متحدینو لپاره جدي ګواښ ګڼل کېږي

درېیم شرط د ایران له خوا د خپلو ملاتړو ډلو ملاتړ بندول دي، په ځانګړې توګه په لبنان، سوریه، عراق او غزه کې. د شبکې د راپور له مخې، اسراییلي چارواکو ټینګار کړی چې د ایران سیمه‌ایز نفوذ او د دې ډلو ملاتړ، د اټومي پروګرام په پرتله ډېر خطرناک دی، او هر ډول تړون چې دا اړخ له پامه وغورځوي، له نظره تل‌آویو ناقص او ناکاره دی

په راپور کې دا هم راغلي چې اسراییل په یو وخت کې واشنګټن ته ښکاره خبرداری ورکړی. د شبکې د سرچینو په وینا، تل‌آویو امریکا ته ویلي که موخه یوازې د ایران مهار نه، بلکې د دې رژیم د چلند بنسټیز بدلون یا له منځه وړل وي، اوسني پوځي ځواکونه چې په سیمه کې ځای پر ځای شوي، بسنه نه کوي. د دوی په باور، دا ډول سناریو د پراخ پوځي توان، ستره لوژستیکي چمتوالي او د اوږدمهاله او ګرانې جګړې لپاره بشپړ امادګي ته اړتیا لري

راپور څرګندوي چې د اسراییلو او امریکا ترمنځ په دې اړه د لیدلوري توپیر لا هم دوام لري. په داسې حال کې چې واشنګټن د دیپلوماتیکو حل لارو په لټه کې دی تر څو د بحران د شدت مخه ونیسي، تل‌آویو اندېښمن دی چې هر ډول مصالحه به د اوږدمهاله ستراتیژیکې ګټې لپاره ایران پیاوړی کړي. دغه اندېښنه د ناظرینو په باور، د اوسني وخت په ډیپلوماتیکو او امنیتي فشارونو کې د اسراییلو اصلي محرک ګڼل کېږي.   د راپور له مخې، اسراییل درې مهم شرطونه لري:

ایران هېڅکله اټومي وسلې ته ونه رسیږي او د اورانیم غني کولو ټولې وسایل له منځه ځي

د ایران توغندیو پروګرام باید بشپړ بند شي

ایران باید د خپلو ملاتړو ډلو ملاتړ په سیمه کې پرې کړي، په ځانګړې توګه په لبنان، سوریه، عراق او غزه کې

تل‌آویو واشنګټن ته خبرداری ورکړی چې که هدف یوازې مهار نه وي، بلکې د ایران د رژیم د چلند بدلون وي، اوسني پوځي ځواکونه بسنه نه کوي. په دې صورت کې امریکا باید خپل ځواک پراخه کړي، ځکه چې جګړه به اوږده او ګران وي

دا راپور څرګندوي چې اسراییل او امریکا د ایران پر وړاندې د چلند په اړه توپیر لري: واشنګټن د دیپلوماتیکو حل لارو پلوی دی، خو اسراییل ډاډه نه دی چې هر ډول تړون د دوی امنیت خوندي کړي