مقاله

لبنان کې د اسرائیلي بریدونو قربانیان له درې زرو واوښتل

اشتراک گذاری:

بریا نیوز (چهار شنبه ،۳۰ثور ۱۴۰۵)

د لبنان د عامې روغتیا وزارت ویلي، د اسرائیل او حزب الله ترمنځ د روانې جګړې له امله په دغه هېواد کې د وژل شویو کسانو شمېر له درې زرو تنو اوښتی دی

د وزارت چارواکو زیاته کړې، د اسرائیلي هوايي بریدونو له کبله زرګونه نور کسان ټپیان شوي او د لبنان ګڼې سیمې له سخت بشري ناورین سره مخ شوې دي

راپورونه وایي، د جګړې له پراخېدو سره د لبنان په سویلي سیمو کې پراخې ویجاړۍ رامنځته شوې او زرګونه کورنۍ د خپلو مېنو پرېښودو ته اړ شوې دي

بلخوا حزب الله ویلي، د اسرائیلي بریدونو پر وړاندې به خپلو عملیاتو ته دوام ورکړي، خو اسرائیلي پوځ ادعا کړې چې د حزب الله پوځي مرکزونه او وسلې په نښه کوي

د سیمې او نړۍ ګڼو هېوادونو د جګړې د ژر پای ته رسېدو غوښتنه کړې او خبرداری یې ورکړی چې د تاوتریخوالي دوام به د منځني ختیځ امنیت نور هم له ګواښ سره مخ کړي