سیاست

ټرمپ: د ایران په تړاو وروستۍ پرېکړې زه کوم، نتنیاهو به یې مني

اشتراک گذاری:

بریانیوز- سه شنبه، ١۹ جوزا ١٤٠٥

د امریکا ولسمشر ډونالډ ټرمپ د ایران او اسرائیلو ترمنځ د وروستیو ترینګلتیاوو په تړاو ویلي چې د ایران په اړه هره پرېکړه چې واشنګټن وکړي، د اسرائیلو حکومت به یې ومني ټرمپ د رسنیو سره په خبرو کې ټینګار کړی چې د ایران اړوند د مهمو سیاسي او امنیتي پرېکړو اصلي مسئولیت د امریکا له لوري ترسره کېږي او په دې برخه کې وروستۍ پرېکړه د ده په لاس کې ده هغه ویلي: «هره پرېکړه چې زه د ایران په اړه وکړم، بنیامین نتنیاهو به یې ومني. پرېکړه کوونکی زه یم، نه هغه

د امریکا ولسمشر دغه څرګندونې په داسې مهال کړي چې د ایران او اسرائیلو ترمنځ د وروستیو پوځي پېښو او بریدونو له امله سیمه‌ییزه فضا لا پسې ترینګلې شوې ده شنونکي وایي، د ټرمپ دا څرګندونې د واشنګټن او تل‌ابیب ترمنځ د نږدې همغږۍ د ښودلو هڅه ده، خو په عین حال کې د امریکا د مشرتابه رول هم برجسته کوي دا څرګندونې په داسې وخت کې مطرح کېږي چې د ایران، امریکا او اسرائیلو ترمنځ د امنیتي او سیاسي تحولاتو په اړه نړیواله پاملرنه زیاته شوې او د سیمې د راتلونکي وضعیت په اړه بېلابېلې ارزونې روانې دي