مقاله

د نهو میاشتو وروسته د پاکستان خالي کانتینرونه د تورخم له لارې افغانستان څخه ووتل

اشتراک گذاری:

بریانیوز- جمعه ٢۹ جوز ١٤٠٥

د ننګرهار د سوداګرۍ او پانګونې خونه وايي چې د پاکستان هغه خالي کانتینرونه چې شاوخوا نهه میاشتې په افغانستان کې بند پاتې وو، اوس د تورخم له لارې د وتلو اجازه ورکړل شوې ده

د دې خونې د معلوماتو له مخې، دغه کانتینرونه د اوږدې مودې ځنډ وروسته د سرحدي بهیرونو له اسانتیاوو سره سم بېرته پاکستان ته انتقال شوي دي

سوداګرو او د سوداګرۍ مسوولینو ویلي چې د داسې ستونزو حل د دواړو هېوادونو ترمنځ د سوداګریزو اړیکو د عادي کېدو لپاره مهم ګڼل کېږي او د سرحدي تګ راتګ په منظمېدو کې مرسته کوي

دا پرمختګ په داسې حال کې رامنځته شوی چې د افغانستان او پاکستان ترمنځ د سوداګرۍ او ترانزیټ په برخه کې د ځنډ او خنډونو موضوع وخت ناوخت د سوداګرو له لوري مطرح کېږي