قطر: د افغانستان د ستونزو د حل لپاره باید ډیپلوماټیکې هڅې لا پیاوړې شي

قطر: د افغانستان د ستونزو د حل لپاره باید ډیپلوماټیکې هڅې لا پیاوړې شي

(بریانیوز چهار شنبه (۱/ میزان /۱۴۰۵هـ.ش

 قطر د اسلامي همکاریو سازمان د افغانستان په اړه د وزیرانو د تماس ډلې په غونډه کې د افغانانو د ملاتړ او د سولې د بهیر د پرمختګ لپاره د ډیپلوماټیکو هڅو پر دوام ټینګار کړی دی

دغه غونډه د ملګرو ملتونو د عمومي اسمبلۍ د ۸۱مې غونډې په څنډه کې په نیویارک کې ترسره شوې ده د قطر د بهرنیو چارو وزارت د دولت وزیر محمد بن عبدالعزیز بن صالح الخلیفي په غونډه کې ویلي، د افغانانو ستونزمن بشري وضعیت د لا ډېرو ډیپلوماټیکو هڅو، د همکاریو د پراختیا او د افغانستان په اړه د اسلامي همکاریو سازمان د پرېکړه‌لیکونو د بشپړ پلي کېدو اړتیا زیاتوي

نوموړي ټینګار کړی چې د اسلامي همکاریو سازمان غړي هېوادونه باید لا ډېره همغږي رامنځته کړي، له رغنده خبرو ملاتړ وکړي او له افغان ولس سره د بشري مرستو رسولو ته دوام ورکړي

الخلیفي ویلي، قطر له ۲۰۱۳ کال راهیسې، چې د افغانستان د سولې لپاره د دوحې بهیر پیل شو، د خبرو اترو او مخکینۍ ډیپلوماسۍ پر بنسټ د سوله‌ییزو حل‌لارو ملاتړ کړی دی

د هغه په وینا، قطر په تېرو کلونو کې د افغان لورو ترمنځ د خبرو اترو د څو پړاوونو کوربه‌توب کړی او هڅه یې کړې چې د سیاسي اختلافونو د حل لپاره د خبرو او ډیپلوماسۍ زمینه برابره شي

د قطر د چارواکي په وینا، د افغانستان د اوسني وضعیت د ښه کېدو لپاره د سیمې او اسلامي نړۍ د هېوادونو ګډې هڅې او د افغان ولس پر بشري اړتیاوو تمرکز مهم دی