اخبار فوری
فــــهــــيـــم شـاهـیـن
01 میزان 1405
40
تهران: پزشکیان ملګرو ملتونو ته د ایران د جګړې د وژل شویو کسانو انځورونه وښودل
(بریانیوز چهار شنبه (۱/ میزان /۱۴۰۵هـ.ش
د ایران ولسمشر مسعود پزشکیان د ملګرو ملتونو د عمومي اسمبلۍ په ۸۱مه غونډه کې د وینا پر مهال د هغو کسانو انځورونه نندارې ته وړاندې کړل چې د ایران او اسرائیلو ترمنځ په ۱۲ ورځنۍ جګړه کې وژل شوي دي
پزشکیان وویل، په ښودل شویو انځورونو کې ښځې، ماشومان او ځوانان هم شامل دي چې د نوموړي په وینا، د اسرائیلو او امریکا په بریدونو کې وژل شوي دي
هغه دغه بریدونه د ډیپلوماسۍ او د سولې د هڅو پر وړاندې «لویه ضربه» وبلله او ټینګار یې وکړ چې پوځي اقدامات د سیمهییزو کړکېچونو د حل پر ځای د لا پراخېدو لامل کېږي
د ایران ولسمشر په خپله وینا کې د تهران د اټومي پروګرام په اړه هم وویل چې ایران هېڅکله د اټومي وسلې د جوړولو هڅه نه ده کړې او په راتلونکي کې به هم د داسې وسلې د جوړولو هڅه ونه کړي
پزشکیان د غزې د وضعیت په اړه هم خبرې وکړې او پر ملکي وګړو د بریدونو، د روغتیايي مرکزونو، ښوونځیو او کورونو د ویجاړېدو په اړه یې اندېښنه څرګنده کړه
د ملګرو ملتونو د معلوماتو له مخې، د ایران ولسمشر د عمومي اسمبلۍ د عمومي بحث په غونډه کې د سپټمبر پر ۲۴مه وینا کړې ده
د نوموړي څرګندونې په داسې مهال مطرح شوې چې د منځني ختیځ امنیتي وضعیت او د ایران، اسرائیلو او امریکا ترمنځ اړیکې د ملګرو ملتونو د عمومي اسمبلۍ د روانې غونډې له مهمو بحثونو څخه دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl