سیاست

مسکو: په افغانستان کې د امریکا بیا نظامي حضور د سیمې امنیت ګواښي

اشتراک گذاری:

(بریانیوز سه شنبه (۲۱/ میزان /۱۴۰۵هـ.ش

د روسیې د امنیت شورا مرستیال الکساندر وندیکتوف ویلي، په افغانستان کې د امریکا د پوځي حضور بیا رامنځته کېدل د ټولې سیمې امنیت ته ګواښ پېښولای شي. نوموړي زیاته کړې، چې مسکو له طالبانو سره په خبرو کې د بهرنیو ځواکونو د بیا ځای پر ځای کېدو د مخنیوي موضوع په پرله‌پسې توګه مطرح کوي

وندیکتوف ټینګار کړی، چې په افغانستان کې د امریکا د پوځي حضور د بیا پیل احتمال یوازې د دغه هېواد په کورنیو چارو پورې محدود نه دی، بلکې د سیمې پر امنیتي وضعیت هم اغېز لرلای شي

د هغه په وینا، روسیه له طالبانو سره د خبرو پر مهال هڅه کوي، چې په افغانستان کې د بهرنیو ځواکونو د بیا حضور مخه ونیول شي. مسکو په دې برخه کې د سیمه‌ییز امنیت او د بهرنیو پوځي اډو د نه رامنځته کېدو موضوع مهمه بولي

په افغانستان کې د بهرنیو ځواکونو د احتمالي بیا حضور موضوع له هغه وخت راهیسې د سیمه‌ییزو هېوادونو د بحثونو یوه برخه ده، چې په ۲۰۲۱ کال کې امریکايي ځواکونه له دغه هېواده ووتل او طالبان بېرته واک ته ورسېدل

روسیه او د سیمې یو شمېر نور هېوادونه په افغانستان کې د امنیتي وضعیت په اړه اندېښنې لري او د بهرنیو ځواکونو د بیا ځای پر ځای کېدو احتمال د خپلو امنیتي ارزونو یوه مهمه برخه ګڼي