news اخبار فوری
clock
اپلیکیشن ما را دانلود کنید با اپلیکیشن موبایل ما در هر جایی بخوانید
به زودی

ليکوال فهیم شاهين! په ځان باور؛ د بریا پر لور د لومړي ګام راز

ليکوال فهیم شاهين! په ځان باور؛ د بریا پر لور د لومړي ګام راز

ليکوال فهیم شاهين! په ځان باور؛ د بریا پر لور د لومړي ګام راز

(بریانیو دوشنبه (۲۵/ عـقـرب/۱۴۰۵هـ.ش

په ژوند کې د بریا او پرمختګ تر ټولو مهم شرط پر ځان باور دی. انسان هغه وخت کولای شي خپلو موخو ته ورسېږي چې لومړی پر خپلو وړتیاوو باور ولري او د ستونزو پر وړاندې د درېدو جرئت پیدا کړي. که څه هم بریا اسانه نه ده، خو هغه څوک چې پر ځان باور لري، له هرې ماتې وروسته د بیا پورته کېدو ځواک هم پیدا کوي
د ژوند هر انسان خپل خوبونه او موخې لري، خو یوازې خوبونه د بریا لپاره بسنه نه کوي. د موخو ټاکل، پرله‌پسې هڅې او د ستونزو پر وړاندې زغم هغه څه دي چې انسان خپل منزل ته رسوي. په دې ټولو پړاوونو کې پر ځان باور د یوه پیاوړي بنسټ په توګه رول لوبوي
ډېر وخت د انسان د پرمختګ پر وړاندې تر ټولو لوی خنډ د امکاناتو نشتوالی نه، بلکې د هغه خپل منفي فکرونه او پر ځان بې‌باوري وي. کله چې یو څوک د خپلې وړتیا په اړه شک ولري، له نوو فرصتونو وېره پیدا کوي، د ستونزو پر وړاندې ژر تسلیمېږي او ان د خپلو وړتیاوو د ثابتولو جرئت هم له لاسه ورکوي
برعکس، هغه کسان چې پر خپلو وړتیاوو باور لري، له ننګونو نه تېښته نه کوي، بلکې هره ستونزه د نوي څه د زده کړې او تجربې ترلاسه کولو فرصت ګڼي. هغوی پوهېږي چې ناکامي د ژوند پای نه دی، بلکې د بریا پر لور د تګ یوه تجربه ده
په ځان باور په یوه ورځ نه رامنځته کېږي؛ بلکې د هڅو، تجربو او پرله‌پسې زده‌کړو له لارې پیاوړی کېږي. کله چې انسان له خپلو وېرو سره مخامخ شي، نوي کارونه پیل کړي او د ستونزو د حل لپاره هڅه وکړي، ورو ورو یې پر خپلو وړتیاوو باور زیاتېږي
په ورځني ژوند کې هم د بې‌باورۍ اغېزې په بېلابېلو بڼو لیدل کېږي. ځینې کسان په ښوونځي، پوهنتون او کاري چاپېریال کې د خپلو نظرونو له څرګندولو وېره لري. په غونډو کې د خبرو کولو، ټولنیزو فعالیتونو او نوو تجربو له ترلاسه کولو ډډه کوي، ځکه فکر کوي چې ښايي تېروتنه وکړي یا د نورو له نیوکو سره مخ شي. په داسې حال کې چې د انسان د ودې یوه مهمه برخه همدا ده چې له تېروتنو زده کړه وکړي او له خپلو وېرو سره مقابله وکړي
له بده مرغه، نن سبا د ځوانانو یوه برخه د کوچنیو ستونزو او لومړنیو ناکامیو پر وړاندې ژر ناهیلي کېږي. ځینې یې د نورو د خبرو او قضاوت له امله خپلې موخې نیمګړې پرېږدي او ان د خپل راتلونکي په اړه د پرېکړې کولو جرئت له لاسه ورکوي. خو حقیقت دا دی چې هېڅ بریالی انسان د ستونزو او ناکامیو له تجربه کولو پرته خپل منزل ته نه دی رسېدلی
که غواړئ پر ځان باور پیاوړی کړئ، لومړی باید خپلې وړتیاوې وپېژنئ او خپلې کمزورۍ د اصلاح لپاره ومنئ. د خلکو د منفي خبرو او بې‌ځایه نیوکو له امله خپلې هڅې مه دروئ. د نورو له بریاوو څخه زده کړه وکړئ، خو هېڅکله خپل ژوند د هغوی له ژوند سره مه پرتله کوئ. هر انسان خپل شرایط، وړتیاوې او د پرمختګ ځانګړې لاره لري
همدارنګه، هڅه وکړئ منفي فکرونه مو د پرمختګ مخه ونه نیسي. خپلو وړو بریاوو ته ارزښت ورکړئ، له تېروتنو زده کړه وکړئ او هره ورځ د خپلو موخو پر لور یو ګام پورته کړئ. دا کوچني ګامونه دي چې په پای کې لوی بدلونونه رامنځته کوي
الله تعالی هر انسان ته بېلابېلې وړتیاوې او استعدادونه ورکړي دي. مهمه دا ده چې دغه وړتیاوې وپېژنو، وده ورکړو او د ژوند د موخو د ترلاسه کولو لپاره ترې ګټه واخلو
په پای کې باید ووایو چې پر ځان باور یوازې یو مثبت احساس نه دی، بلکې د ژوند د بدلون لپاره یوه پیاوړې وسیله ده. دا باور انسان ته جرئت ورکوي چې له ستونزو سره مقابله وکړي، له ناکامیو زده کړه وکړي او د خپلو خوبونو د ترلاسه کولو لپاره مبارزې ته دوام ورکړي
په یاد ولرئ، د بریا سفر هغه وخت پیلېږي چې پر ځان باور وکړئ؛ ځکه که تاسې پر خپلو وړتیاوو باور ونه لرئ، نو له نورو څخه د باور تمه هم مه کوئ

برای نظر دادن باید ثبت‌نام کرده یا وارد شده باشید ورود?

اخبار مرتبط

ما را دنبال کنید

به قهرمان رای دهید

برترین دسته ها

نظر اخیر

  • user توسط KyuhqcUFaKDxgQxidA

    kcZRtHeWrgoWMTIL

    quoto
  • user توسط qcJvwIEkylYuVnMMCZ

    GBWGKEROsZZqoosN

    quoto
  • user توسط ZzTRVabJcrTlFUSRFgF

    mBQzzewrmjOEHCuhl

    quoto