اخبار فوری
د طالبانو د حکومت اقتصادي مرستیال رئيسالوزرا، ملا عبدالغني ملا برادر د سمنګان زلزلهځپلو سره د خواخوږۍ او مرستو ژمنه وکړه
فــــهــــيـــم شـاهـیـن
15 عقرب 1404
156
د طالبانو د حکومت اقتصادي مرستیال رئيسالوزرا، ملا عبدالغني برادر اخند، د سمنګان ولایت زلزلهځپلو کورنیو سره د غم شریکۍ او مرستې لپاره دغه ولایت ته سفر کړی دی
د طالبانو د مطبوعاتي څانګې په وینا، ملا برادر د زلزلهځپلو سیمو له خلکو سره لیدلي، د هغوی ستونزې یې اورېدلې او د کورونو د بیا رغونې، زیانمنو شویو کورنیو ته د نقدي مرستو او دوامداره پاملرنې ژمنه یې کړې ده
: هغه ویلي دي
موږ به د ټولو امکاناتو په کارولو سره هڅه وکړو چې د زلزلهځپلو وروڼو او خویندو ژوند بېرته عادي حالت ته راوګرځوو. دا زموږ ملي او اسلامي وجیبه ده
ملا برادر له هېوادنیو سوداګرو، خیریه بنسټونو او شتمنو خلکو هم غوښتنه کړې چې د سمنګان له زیانمنو شویو کورنیو سره د مرستې لاس اوږد کړي او د دې فاجعې د اغېزو د کمولو لپاره ګډ کار وکړي
یاده زلزله څو ورځې وړاندې د سمنګان په ځینو ولسوالیو کې رامنځته شوې وه چې له امله یې ګڼې کورنۍ بېکوره شوې او مالي او ځاني زیانونه یې اړولي دي
د سیمه ییزو سرچینو په وینا، لا هم ډېری زیانمن شوي کسان د سرپنا او لومړنیو اړتیاوو له کمښت سره مخ دي، خو د ملا برادر د سفر او د مرستو ژمنې د خلکو د هیلو څرک بیا راژوندی کړی دی
سمنګان اوس د زلزلهځپلو د بیا رغونې او د مرستو د تنظیم تازه پړاو ته داخل شوی، چې د خلکو د همکارۍ او ملي یووالي غوښتنه کوي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF