اخبار فوری
واشنګټن – د امریکا د متحدو ایالتونو ولسمشر ډونالډ ټرمپ د منځنۍ آسیا له مشرانو سره په سپینه ماڼۍ کې ولیدل؛ د حیاتي معدني زېرمو ارزښت یې د امریکا ستر لومړیتوب وباله
فــــهــــيـــم شـاهـیـن
16 عقرب 1404
244
واشنګټن – د امریکا د متحدو ایالتونو ولسمشر ډونالډ ټرمپ د تاجکستان، ازبکستان، ترکمنستان، قرغزستان او قزاقستان له ولسمشرانو سره په سپینه ماڼۍ کې مهمه ناسته ترسره کړې ده
د «رویټرز» د راپور له مخې، دا لیدنه د جمعې په ورځ، د نومبر په ۷مه وشوه. ټرمپ په دې غونډه کې د حیاتي معدني موادو او طبیعي زېرمو ارزښت ته ځانګړې اشاره وکړه او ویې ویل چې دا موضوع د امریکا د اقتصاد او ملي امنیت له بنسټیزو لومړیتوبونو څخه ده
سرچینې وایي، ټرمپ هڅه کوي له هغو منځنۍ آسیا هېوادونو سره اړیکې پیاوړې کړي چې کلونه د روسیې تر نفوذ لاندې پاتې شوي او په وروستیو کلونو کې د چین د سیاسي او اقتصادي اغېز له زیاتېدو سره مخ شوي دي
شنونکي باور لري، واشنګټن غواړي له دغو هېوادونو سره د انرژۍ، ټرانسپورټ او د نادرو معدني عناصرو په برخو کې نوي ستراتیژیک تړونونه رامنځته کړي، څو د سیمې د ځواک توازن د امریکا په ګټه بدل کړي
د ناستې پر مهال د سیمهییزو اقتصادي همکاریو، د پانګونې فرصتونو او د ټکنالوژۍ د پراختیا په اړه هم خبرې شوې
سیاسي کارپوهان دا لیدنه د ټرمپ د بهرنۍ تګلارې یو مهم ګام بولي، چې موخه یې د منځنۍ آسیا په جیوپولیټیک ډګر کې د امریکا د نفوذ بیا راژوندي کول دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl