اخبار جهان

لاوروف: د مسکو فارمټ د افغانستان په اړه د سیمه‌ییزې اجماع تر ټولو پراخ چوکاټ دی

اشتراک گذاری:

(بریانیوزپنجشنبه (۱۴/ عـقـرب/۱۴۰۵هـ.ش

د روسیې د بهرنیو چارو وزیر سرګي لاوروف ویلي، د مسکو فارمټ د افغانستان د ستونزو د حل او د سیمه‌ییزې اجماع د رامنځته کولو لپاره تر ټولو پراخ سیمه‌ییز چوکاټ دی

لاوروف د یوریشیا امنیت په اړه د مېنسک په څلورم نړیوال کنفرانس کې ویلي، بهرني لوبغاړي نه شي کولای د افغانستان د ستونزې په حل کې اغېزمن رول ولوبوي او د دې هېواد د وضعیت د ښه کېدو لپاره د سیمې د هېوادونو همکاري اړینه ده

نوموړي د مسکو فارمټ اتمې غونډې ته هم اشاره کړې چې تېره میاشت ترسره شوې وه او په وینا یې، په دې غونډه کې له کابله یوه لوړپوړي رسمي پلاوي هم ګډون کړی و

د روسیې د بهرنیو چارو وزیر ټینګار کړی چې د سیمې د امنیتي ننګونو د حل، د افغانستان د ثبات او په ټوله یوریشیا کې د امنیت د پیاوړتیا لپاره سیمه‌ییزې همکارۍ مهمې دي