اخبار فوری
فــــهــــيـــم شـاهـیـن
13 عقرب 1405
32
کابل : د اسلامي همکاریو سازمان د ډیپلوماټیکو هڅو په اړه علمي ناسته وشوه
(بریانیوزچهار شنبه (۱۳/ عـقـرب/۱۴۰۵هـ.ش
د افغانستان د بهرنیو چارو وزارت د ډیپلوماسۍ په انستیتوت کې د اسلامي همکاریو سازمان د ډیپلوماټیکو فعالیتونو او د افغانستان په تړاو د دغه سازمان د هڅو په اړه علمي ناسته ترسره شوه
په دې ناسته کې د اسلامي همکاریو سازمان د دفتر عمومي رییس او سفیر، ډاکټر محمد بن سعید العیاش، د ډیپلوماسۍ او څو اړخیزو اړیکو په اړه وینا وکړه. د بهرنیو چارو وزارت د کارکوونکو ترڅنګ، د بېلابېلو وزارتونو او دولتي ادارو یو شمېر مسوولانو هم ګډون پکې کړی و
العیاش په خپله وینا کې د عامه او څو اړخیزې ډیپلوماسۍ پر ارزښت، مهمو وسایلو او کاري میکانېزمونو خبرې وکړې او ګډونوالو ته یې د اسلامي همکاریو سازمان د تاریخ، بېلابېلو ادارو او تشکیلاتي جوړښت په اړه معلومات ورکړل
نوموړي همدارنګه د دغه سازمان په سرمشریزو او د بهرنیو چارو وزیرانو په غونډو کې د افغانستان په اړه د شویو پرېکړو یادونه وکړه او د دغو پرېکړو د پلي کېدو په برخه کې یې په کابل کې د سازمان د دفتر رول روښانه کړ
د ورکړل شویو معلوماتو له مخې، د دې ناستې موخه د ډیپلوماسۍ په برخه کې د پوهاوي لوړول او د اسلامي همکاریو سازمان د فعالیتونو او له افغانستان سره د هغه د تعامل په اړه د دولتي مسوولانو د معلوماتو پراخول وو
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl