امریکا : د مشرانو جرګې لومړنی مسلمان غړی وټاکل شو؛ عبدال السید مایک راجرز ته ماتې ورکړه

امریکا : د مشرانو جرګې لومړنی مسلمان غړی وټاکل شو؛ عبدال السید مایک راجرز ته ماتې ورکړه

(بریانیوزپنجشنبه (۱۴/ عـقـرب/۱۴۰۵هـ.ش

د امریکا د میشیګان ایالت په سخته او له نږدې څارل شوې ټاکنیزه سیالۍ کې ډیموکراټ نوماند عبدال السید خپل جمهوري‌پال سیال مایک راجرز ته ماتې ورکړې او د دغه هېواد د مشرانو جرګې لومړنی مسلمان غړی شوی دی

۴۲ کلن عبدال السید د نومبر په درېیمه د ترسره شویو ټاکنو په پایله کې د میشیګان ایالت د مشرانو جرګې څوکۍ وګټله. نوموړي په دې سیالۍ کې د پخواني جمهوري‌پال کانګرس غړي او د فدرالي څېړنو ادارې (اېف‌بي‌آی) د پخواني کارکوونکي مایک راجرز پر وړاندې بریا خپله کړه

د ټاکنو د لومړنیو پایلو له مخې، عبدال السید شاوخوا ۵۲ سلنه رایې ترلاسه کړې، په داسې حال کې چې مایک راجرز نږدې ۴۶ سلنه رایې خپلې کړې دي

په دې توګه، نوموړی د امریکا د سیاسي تاریخ په یوه مهم بدلون کې د مشرانو جرګې لومړنی مسلمان غړی شو

عبدال السید چې د مصري کډوالو زوی او د عامې روغتیا متخصص دی، په خپل ټاکنیز کمپاین کې یې د روغتیايي خدمتونو د پراختیا، د خلکو د اقتصادي ستونزو د کمولو او په ټاکنو کې د لویو شرکتونو د نفوذ محدودولو ژمنې کړې وې

د هغه ټاکنیز کمپاین له سختو سیاسي مخالفتونو او د مسلمان هویت په تړاو له نیوکو سره هم مخ و؛ خو نوموړي د میشیګان په دې مهمه سیالۍ کې بریا خپله کړه

د عبدال السید بریا نه یوازې د امریکا په سیاسي جوړښت کې د مسلمانانو د استازیتوب له پلوه تاریخي اهمیت لري، بلکې نوموړی به د دغه هېواد په مشرانو جرګه کې د مسلمانې ټولنې لومړنی استازی هم و