سیاست

پزشکیان: د ایران ستونزې به د خبرو او د خلکو په همکارۍ حل کړو

اشتراک گذاری:

(بریانیوزچهار شنبه (۱۳/ عـقـرب/۱۴۰۵هـ.ش

د ایران ولسمشر مسعود پزشکیان ویلي، چې حکومت یې هڅه کوي د دغه هېواد اوسني بحرانونه او ستونزې د خبرو اترو او د خلکو په همکارۍ حل کړي

د ایراني رسنیو د راپورونو له مخې، پزشکیان زیاته کړې چې د ایران مشر هم د ستونزو د حل لپاره حکومت ته لازم واکونه سپارلي دي، څو د هېواد د روان وضعیت د ښه کولو لپاره اغېزمن اقدامات ترسره کړي

نوموړي ټینګار کړی، چې جګړه د هېچا په ګټه نه ده او د ایران دښمنان نه شي کولای د جګړې له لارې دغه هېواد تسلیمېدو ته اړ کړي

د ایران ولسمشر همدارنګه ویلي، چې حکومت یې د خلکو د ژوند د اقتصادي وضعیت د ښه کولو، له اړمنو کورنیو څخه د ملاتړ او د کورني تولید د زیاتولو لپاره هڅې کوي

د پزشکیان په وینا، د ډیزلو او انرژۍ د بیو د لوړېدو له امله ترلاسه کېدونکي اضافي عواید به د خلکو، په ځانګړي ډول د اړمنو کورنیو د ملاتړ لپاره ځانګړي شي