سیاست

فضل‌الرحمان: له افغانستان سره د سوداګرۍ لارې تړلې، خو د قاچاق لارې لا هم پرانیستې دي

اشتراک گذاری:

(بریانیوزچهار شنبه (۱۳/ عـقـرب/۱۴۰۵هـ.ش

د پاکستان د جمعیت علمای اسلام ګوند مشر مولانا فضل‌الرحمان له افغانستان سره د قانوني سوداګرۍ د لارو تړل کېدو په اړه نیوکه کړې او ویلي یې دي، چې د دواړو هېوادونو ترمنځ رسمي سوداګریزې لارې تړل شوې دي، خو د قاچاق لارې لا هم فعالې دي

نوموړي ویلي، پاکستاني چارواکو له ترهګرۍ سره د مبارزې په پلمه له افغانستان سره د قانوني سوداګرۍ ټولې لارې تړلې دي، په داسې حال کې چې د ده په وینا، ناقانونه لارې او د قاچاق شبکې لا هم پرانیستې دي

فضل‌الرحمان د دې تګلارې په اړه پوښتنه کړې، چې که د ترهګرۍ د مخنیوي لپاره سوداګریزې لارې تړل شوې وي، نو ولې د قاچاق مخه نه ده نیول شوې او ناقانونه لېږدونه لا هم دوام لري؟

نوموړي له افغانستان سره د سوداګریزو لارو تړل کېدل د پاکستان پر سوداګرۍ او اقتصادي فعالیتونو هم د اغېز لرونکې مسئلې په توګه یاد کړي دي