اخبار جهان

ډیموکراتانو : د امریکا د سنا کنټرول ترلاسه کړ؛ ټرمپ د همکارۍ چمتووالی ښودلی

اشتراک گذاری:

(بریانیوزچهار شنبه (۱۳/ عـقـرب/۱۴۰۵هـ.ش

د امریکا د منځمهاله ټاکنو له پایلو وروسته، د ډیموکرات ګوند د ۵۱ څوکیو په ګټلو سره د مشرانو جرګې یا سنا کنټرول ترلاسه کړی، په داسې حال کې چې جمهوري‌پالو ۴۰ څوکۍ خپلې کړې دي

د ورکړل شوي راپور له مخې، دغه بدلون ډیموکراتانو ته دا فرصت برابروي چې د ولسمشر ډونالډ ټرمپ له لوري دولتي دندو ته د معرفي کېدونکو نوماندانو د تایید په بهیر کې اغېز ولري او د قانون جوړونې په چارو کې پیاوړی رول ولوبوي.

په همدې حال کې، د امریکا ولسمشر ډونالډ ټرمپ په یوه مرکه کې ډیموکراتانو ته د بریا مبارکي ویلې او له دغه ګوند سره یې د همکارۍ چمتووالی څرګند کړی دی

ټرمپ ویلي، هیله لري چې دواړه ګوندونه د امریکا د ګټو لپاره په ګډه کار وکړي؛ خو نوموړي خبرداری ورکړی، چې که اړتیا وي، د ډیموکراتانو د وړاندیز شویو قوانینو د مخنیوي لپاره به له خپل ویټو واک څخه کار واخلي

نوموړي د جمهوري‌پالو د یو شمېر نوماندانو ماتې د رای‌پاڼو پر مخ د خپل نوم نه شتون ته منسوبه کړې او ادعا یې کړې، چې که خپله نوماند وای، جمهوري‌پالو به ټاکنې ګټلې وای