اخبار جهان

سعودي عربستان او سوریې: دفاعي تړون لاسلیک کړ؛ د حوثیانو پر وړاندې د پوځي همکارۍ احتمال

اشتراک گذاری:

(بریانیوزپنجشنبه (۱۴/ عـقـرب/۱۴۰۵هـ.ش

سعودي عربستان او سوریې د دفاعي همکاریو تړون لاسلیک کړی دی. دا هوکړه د سوریې د انتقالي دولت د مشر احمد الشرع د ریاض سفر پر مهال، له سعودي ولیعهد محمد بن سلمان سره تر لیدنې وروسته شوې ده

د رویټرز د راپور له مخې، د دغه تړون د محتوا او پوځي ژمنو په اړه لا جزئیات نه دي خپاره شوي؛ خو تر دې وړاندې راپورونه ورکړل شوي وو چې سوریه له سعودي عربستان سره د یمن د حوثیانو پر وړاندې د احتمالي پوځي مرستو په اړه خبرې کوي

دا هوکړه په داسې وخت کې شوې چې حوثي ځواکونه د سعودي عربستان پر وړاندې د توغندیزو او بې‌پیلوټه الوتکو بریدونو ته دوام ورکوي

تر اوسه روښانه نه ده چې د دې تړون له مخې به سوریه د یمن په جګړه کې مستقیم پوځي رول ولوبوي او که همکاري به یوازې د دفاعي او امنیتي برخو پورې محدوده وي