اخبار جهان

د پاکستان دفاع وزیر اعتراف: د افغانستان د نوي حکومت هرکلی زموږ ستره تېروتنه وه

اشتراک گذاری:

د پاکستان د پوځي رژیم دفاع وزیر په یوه تازه څرګندونه کې اعتراف کړی، چې د افغانستان د اوسني حکومت د راتګ پر مهال د دوی خوشحالۍ او هرکلی یوه لویه تېروتنه وه

وزیر دا خبره د یوه خبریال د پوښتنې په ځواب کې وکړه، چې ولې د افغانستان د نوي حکومت په جوړېدو داسې خوښي څرګنده کړې وه. نوموړي ومنله، چې دا اقدام د پاکستان په تاریخي پریکړو کې یوه مهمه تېروتنه ګڼل کېږي او اوس د اصلاح او ژور فکر وړ دی

هغه وویل، هغه وخت د خوشحالۍ څرګندول د سیمه‌ییزو واقعیتونو او سیاست پېچلتیاوو ته په کتو مناسب اقدام نه و. اوس پاکستان هڅه کوي د سیمې د ثبات او پرمختګ لپاره نوي لارې چارې ومومي

د دفاع وزیر دا اعتراف د سیمې په سیاست کې یوه نادره څرګندونه ده، ځکه تر دې وړاندې لوړپوړي چارواکي عامه توګه د تېروتنو مسئولیت نه و منلی

دا څرګندونې ښيي، چې پاکستان د افغانستان په وروستیو پېښو کې د خپلو تېرو پرېکړو په ارزونه بوخت دی او غواړي د راتلونکي لپاره په هوښیارانه او ژوره تګلاره تمرکز وکړي