اخبار جهان

نن د ټلوېزیون نړیواله ورځ لمانځل کېږي؛ د افغانستان د لومړي تلویزیون یادونه

اشتراک گذاری:

نن، جمعه، د نومبر ۲۱مه د «ټلوېزیون نړیواله ورځ» لمانځل کېږي، یوه ورځ چې د ټلوېزیون د رول، اغېزو او اهمیت په یادولو ځانګړې شوې ده

ملګري ملتونه په ۱۹۹۶ کال د دسمبر په ۱۷مه پرېکړه وکړه چې د نومبر ۲۱مه دې د ټلوېزیون نړیواله ورځ وګرځول شي. موخه یې دا وه چې د ټلوېزیون په مرسته د جګړو، سولې، امنیت، اقتصادي پرمختګونو او مهمو نړیوالو پېښو په اړه د پوهاوي کچه لوړه شي

په افغانستان کې د ټلوېزیون خپرونې د ۱۳۵۷ لمریز کال څخه پېل شوې، کله چې «تلویزیون خلق افغانستان» د هېواد د لومړي رسمي تلویزیون په توګه خپل نشرات پیل کړل. دا تلویزیون د رسنیو په ډګر کې نوې څپه را منځته کړه او د افغانانو د ژوند په خبرتیا او کلتوري وده کې یې مهم رول لوبولی دی

نن ورځ د ټلوېزیون نړیواله ورځ د رسنیو د پرمختګ او د خلکو په پوهېدو کې د ټلوېزیون د ارزښت د ستاینې یوه غوره شېبه بلل کېږي