طالبان په خپلو ادارو کې تازه انتصابونه وکړل

اشتراک گذاری:

ذبیح‌الله مجاهد، د طالبانو ویاند، ویلي دي چې د هبت‌الله آخندزاده په امر د طالبانو په ادارې، ولایتي او امنیتي جوړښت کې تازه انتصابونه شوي دي.

بریانیوز ( دوشنبه، ١٢ دلو ١٤٠٤)

د پروان والي دنده عزیزالرحمن منصور ته سپارل شوې او د دایکندی والي تورجان احمدي ټاکل شوی دی. د مسکن او ښار جوړونې وزارت د مالي او اداري چارو مرستیال محمد رباني ناسه، او د احیا او انکشاف دهات وزارت مرستیال ارسلا خروتي وټاکل شول.

په امنیتي برخه کې، امین‌الله طیب د پکتیکا امنیه قوماندان وټاکل شو او محمدالله بره د دفاع وزارت د حمایوي لوای مرستیال شو. نجیب‌الله رفیع د لوړې محکمې د عمومي قطعاتو قوماندان وټاکل شو.

په فرهنګي او اداري برخو کې، قاري عبدالستار سعید د جهادي آثار د ټولولو او تنظیم ریاست رئیس شو، احمدالله سعید د جهادي اسنادو او آثار د ثبت اداره رئیس شو، او سید نوراحمد سعید د قندهار د نشراتو او کتابتونونو دیپارتمنت رئیس شو.

په تېرو څلورو کلونو کې د طالبانو انتصابونه یوازې د پوستونو د ځای په ځای کولو په بڼه شوي، نوي کسان کم رول لري. ځینې هېوادوال د فقر د زیاتوالي او د پوستونو له طالبانو ته د سپارلو څخه شکایت کوي.