مقاله

هند د افغانستان سېلاب ځپلو ته د مرستو لاس وغځاوه؛ بشري مرسته کابل ته واستول شوه

اشتراک گذاری:

بریانیوز:(دوشنبه،۱۷ حمل ۱۴۰۵)

د هند د بهرنیو چارو وزارت ویاند ویلي چې هېواد یې د افغانستان د وروستیو سختو سېلابونو له امله زیانمن شویو خلکو سره د مرستې لپاره د بشري او امدادي مرستو یوه لویه جوپه استولې ده

نوموړي زیاته کړې چې دا مرستې د هغو کورنیو د ملاتړ لپاره لېږل شوي چې د سېلابونو له کبله یې خپل کورونه، شتمنۍ او د ژوند اساسي اړتیاوې له لاسه ورکړي دي. هغه ټینګار کړی چې هند تل هڅه کوي د طبیعي ناورینونو پر مهال له افغان ولس سره مرسته وکړي او د انساني همکارۍ روحیه ژوندۍ وساتي

د هند له لوري لېږل شوې مرسته کې د لومړنیو اړتیاوو توکي شامل دي، چې د زیانمنو شویو کورنیو د بیړنیو اړتیاوو د پوره کولو لپاره ځانګړې شوې ده. د چارواکو په وینا، دا مرستې به په اغېزمنو ولایتونو کې ووېشل شي

د بشري چارو شنونکي وایي چې د داسې مرستو لېږل د هېوادونو ترمنځ د دوستۍ او همکارۍ اړیکې پیاوړې کوي او د سختو حالاتو پر مهال د خلکو د ژوند ژغورلو کې مهم رول لري

د افغانستان د طبیعي پېښو له امله زیانمنې شوې کورنۍ بیا له دې مرستې هرکلی کوي او وایي چې دا ډول نړیوال ملاتړ د دوی د سختو ورځو په تېرولو کې ستره مرسته کوي