ورزش

کاناډا د ۲۰۲۶ نړیوال جام لپاره په ټورنټو کې ځانګړې پرانیستغونډه جوړوي

اشتراک گذاری:

بریا نیوز (شنبه،۱۹ثور ۱۴۰۵)

فیفا اعلان کړی چې کاناډا به د د ۲۰۲۶ فوټبال نړیوال جام لپاره د جون پر ۱۲مه، ۲۰۲۶ کال په ټورنټو کې ځانګړې او ستره پرانیستغونډه ترسره کړي

ټاکل شوې چې دغه هنري او ورزشي مراسم د نړیوال جام د کاناډا لومړۍ لوبې څخه لږ مخکې ترسره شي او پکې به د نړۍ او کاناډا نامتو هنرمندان ګډون وکړي. د خپرو شویو معلوماتو له مخې، الانیس موریسټ، مایکل بوبلې، الیسیا کارا، جېسي رېیز، نورا فتحي او الیانا به د خپلو هنري نندارو له لارې د دې سترې نړیوالې سیالۍ رنګیني نوره هم زیاته کړي

فیفا ویلي، دغه مراسم به د کاناډا د کلتوري تنوع، ګډ ژوند او د فوټبال د نړیوال روح استازیتوب وکړي. همداراز به د نړیوال جام اتلولي جام ته په الهام ځانګړې تخلیقي نندارې وړاندې شي

د ۲۰۲۶ نړیوال جام کوربتوب به د متحده ایالات، مکسیکو او کاناډا له لوري په ګډه ترسره کېږي، او فیفا ټینګار کړی چې پرانیستغونډه به د دغو درېیو هېوادونو د یووالي، همکارۍ او ورزشي پیوستون سمبول وي

شنونکي وایي، د ۲۰۲۶ نړیوال جام به د فوټبال په تاریخ کې له تر ټولو لویو او بې‌سارو سیالیو څخه وي، ځکه د لومړي ځل لپاره به پکې ۴۸ ملي لوبډلې برخه واخلي او میلیونونه مینوال به د نړۍ له بېلابېلو سیمو دغه ستره ورزشي مېله تعقیب کړي