د ملګرو ملتونو امنیت شورا کې د افغانستان پر استازولۍ او سرحدي بریدونو تود بحث

د ملګرو ملتونو امنیت شورا کې د افغانستان پر استازولۍ او سرحدي بریدونو تود بحث

بریانیوز- چهار شنبه، ۲۰ جوزا ١٤٠٥

د ملګرو ملتونو د امنیت شورا په وروستۍ غونډه کې د پاکستان استازي د افغانستان د دایمي استازولۍ د سرپرست نصیر احمد فایق پر حضور نیوکې کړې او ادعا یې کړې چې د پخواني جمهوري نظام له پای ته رسېدو وروسته د هغه استازیتوب حقوقي مشروعیت نه لري دغه څرګندونې وروسته له هغې مطرح شوې چې نصیر احمد فایق په خپله وینا کې د افغانستان پر خاوره د پاکستان وروستي بریدونه وغندل او له امنیت شورا یې وغوښتل چې د ملکي وګړو پر وړاندې دغه اقدامات په واضح ډول وغندي او د ورته پېښو د مخنیوي لپاره لازم ګامونه پورته کړي فایق ټینګار کړی چې د افغانستان د حاکمیت، ځمکنۍ بشپړتیا او د ملکي وګړو د خوندیتوب درناوی باید د نړیوالو اصولو له مخې تضمین شي بل لور ته، د پاکستان استازي د افغانستان د استازولۍ د قانوني حیثیت موضوع راپورته کړه او ویې ویل چې د ملګرو ملتونو په چوکاټ کې د استازولۍ مسئله باید د ټاکل شوو اصولو له مخې وڅېړل شي شنونکي وایي، د افغانستان د څوکۍ او استازولۍ موضوع لا هم په نړیوالو بنسټونو کې یوه سیاسي او حقوقي مسئله ده، ځکه تر اوسه د ملګرو ملتونو له لوري د افغانستان د استازولۍ په تړاو وروستۍ پرېکړه نه ده شوې دغه بحثونه په داسې وخت کې ترسره کېږي چې د افغانستان او پاکستان ترمنځ د سرحدي امنیت، هوايي بریدونو او دوه اړخیزو اړیکو په اړه اختلافات زیات شوي او دواړه لوري په نړیوالو فورمونو کې خپل دریځونه مطرح کوي