مقاله

اسلام آباد پاکستان: د ډیورنډ کرښې ته نږدې عملیاتو کې ۲۶ وسله‌ وال وژل شوي

اشتراک گذاری:

بریانیوز- چهار شنبه، ۲۰ جوزا ١٤٠

داسلام آباد پاکستان د اطلاعاتو وزیر پر خپله اېکس پاڼه د افغانستان په درېیو ولایتونو کې د هوایي بریدونو یوه ویډیو خپره کړې او ویلي یې دي چې پاکستاني ځواکونو د ډیورنډ کرښې ته نږدې په ځینو سیمو کې د استخباراتي معلوماتو پر بنسټ عملیات ترسره کړي دي

نوموړي ادعا کړې چې په دغو عملیاتو کې ۲۶ وسله‌وال وژل شوي دي. د هغه په وینا، دغه بریدونه د هغو اهدافو پر ضد ترسره شوي چې د پاکستان د امنیت لپاره یې ګواښ پېښاوه د پاکستاني چارواکو له لوري د ویډیو له خپرولو سره هم‌مهاله، ویل شوي چې عملیات د هدفمند استخباراتي معلوماتو پر بنسټ شوي، خو د پېښې د دقیقو ځایونو او د اوښتو زیانونو په اړه نور جزییات نه دي وړاندې شوي تر اوسه د افغانستان اړوندو چارواکو د دغو ادعاوو او د خپرې شوې ویډیو په اړه رسمي او بشپړ غبرګون نه دی ښودلی دغه راپورونه په داسې وخت کې خپرېږي چې د افغانستان او پاکستان ترمنځ د سرحدي سیمو امنیتي وضعیت لا هم حساس بلل کېږي او وخت ناوخت د دواړو لورو ترمنځ د بریدونو او متقابلو ادعاوو راپورونه خپرېږي شنونکي وایي، د سرحدي عملیاتو او یو اړخیزو پوځي ادعاوو خپرېدل کولی شي د دواړو هېوادونو ترمنځ ترینګلتیاوې لا زیاتې کړي، او د سیمه‌ییز ثبات لپاره اضافي ننګونې رامنځته کړي