اخبار فوری
فــــهــــيـــم شـاهـیـن
12 سرطان 1405
7
واتیکان د پاپ له اجازې پرته د اسقفانو د ټاکلو له امله یوه مذهبي ډله له کلیسا جلا کړه
بریانیوز- جمعه، ١٢ سرطان ١٤٠٥
واتیکان اعلان کړی چې د «سنت پیوس لسمې ټولنې» غړي نور د کاتولیکې کلیسا برخه نه ګڼل کېږي، ځکه دې ډلې د پاپ له اجازې پرته څلور نوي اسقفان ټاکلي دي
د واتیکان په وینا، د کاتولیکې کلیسا د اصولو له مخې یوازې پاپ د اسقفانو د ټاکلو واک لري، او له دې اصولو سرغړونه د کلیسا له یووالي سره په ټکر کې ده
واتیکان ویلي، هغه دوه اسقفان چې د ټاکلو مراسم یې ترسره کړي، له څلورو نویو اسقفانو او د دې ټولنې له ټولو رسمي کشیشانو سره یوځای له کلیسا جلا اعلان شوي دي
د کلیسا مشرانو دا هم ویلي چې یاده ډله نور د واده، اعتراف او نورو مهمو مذهبي مراسمو د رسمي ترسره کولو حق نه لري
د دواړو لورو ترمنځ اختلاف نوی نه دی. دا شخړه هغه وخت پیل شوه چې کاتولیکې کلیسا په خپلو مذهبي مراسمو او ځینو نورو برخو کې بدلونونه راوستل، خو دې دودپالې ډلې هغه بدلونونه ونه منل
واتیکان ټینګار کړی چې د کلیسا د یووالي او اصولو ساتنه د دوی لومړیتوب دی او په دې برخه کې به له خپلو دریځونو تېر نه شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl