ورزش

افغانستان په کور دننه د لومړي ځل لپاره د یوې بهرنۍ کرېکټ لوبډلې کوربه شو

اشتراک گذاری:

بریانیوز جمعه - ١۹ سرطان ١٤٠٥

د افغانستان د کرېکټ ملي لوبډلې د لومړي ځل لپاره په خپل کورني میدان کې د یوې بهرنۍ ملي لوبډلې پر وړاندې د سیالۍ کوربه‌توب وکړ. دغه تاریخي شل اوریزه لوبه د ازبکستان له ملي لوبډلې سره د خوست ولایت په کې ترسره کېږي

یاده سیالي د شپږیزې کرېکټ لیګ د یوولسم پړاو په ترڅ کې د افغانستان د ایلېون او ازبکستان ملي لوبډلو ترمنځ ترسره شوه، چې د افغان کرېکټ لپاره یې ځانګړی تاریخي ارزښت درلود

د لوبې پچه ازبکستان وګټله او لومړی یې د توپ اچونې پرېکړه وکړه، چې له مخې یې افغان ایلېون لوبډلې توپوهنه پیل کړه. افغان لوبغاړو له پیل څخه پیاوړی برید وکړ او د سیالې لوبډلې پر وړاندې یې چټکې منډې جوړې کړې

د افغانستان تکړه پیلیز توپوهونکي د لوبې په پیل کې غوره توپوهنه ترسره کړه او یوازې په ۲۸ توپونو یې د ۱۳ شپږیزو او ۴ څلوریزو پر مټ چټکه سلیزه بشپړه کړه

افغان ایلېون لوبډلې د لوبې په لومړیو نهو اورونو کې له کوم لوبغاړي له سوځېدو پرته ۱۶۲ منډې جوړې کړې، چې دا د پیاوړي پیل څرګندونه کوي

د کرېکټ مسؤلین وایي، په کور دننه د بهرنۍ لوبډلې کوربه‌توب د افغانستان د کرېکټ د پرمختګ، د نړیوالو اړیکو د پراختیا او د کورنیو لوبغالو د ارزښت لوړولو لپاره یو مهم ګام دی