سیاست

شیخ حسینه وایي، د محکمې د حاضرېدو لپاره به دسمبر کې بنګله‌دېش ته ستنه شي

اشتراک گذاری:

بریانیوز شنبه - ۲۰ سرطان ١٤٠٥

ډهلي/ډاکه – د بنګله‌دېش پخوانۍ صدراعظمه شیخ حسینه، چې په خپل هېواد کې د اعدام له حکم سره مخ ده او د هغې د «عوامي لیګ» ګوند فعالیت هم منع اعلان شوی، ویلي چې د روان کال په دسمبر میاشت کې به له هند څخه بېرته بنګله‌دېش ته ستنه شي او محکمې ته به حاضرېږي

شیخ حسینې ویلي، پلان لري چې د عوامي لیګ له یو شمېر لوړپوړو غړو سره یو ځای خپل هېواد ته ستنه شي، څو د هغې پر ضد روانو قضیو ته په قانوني ډول ځواب ووایي

نوموړې تر اوسه د خپل هېواد د محکمو پرېکړې رد کړې او ټینګار یې کړی چې د هغې پر وړاندې قضیې سیاسي انګېزه لري، خو د بنګله‌دېش اوسني چارواکي وایي، ټولې قانوني چارې د نافذه قوانینو له مخې پر مخ وړل کېږي

د شیخ حسینې د احتمالي ستنېدو اعلان په داسې وخت کې کېږي چې په بنګله‌دېش کې سیاسي وضعیت لا هم حساس دی او د نوموړې د بېرته راستنېدو په اړه بېلابېل سیاسي او امنیتي غبرګونونه اټکل کېږي