سیاست

محمود خان اڅکزي: پاکستان دې له افغانستان سره له دښمنۍ لاس واخلي

اشتراک گذاری:

بریانیوزشنبه ( ۳۱ / اسد /۱۴۰۵هـ.ش)

اسلام‌اباد – د پاکستان د اپوزیسیون مشر محمود خان اڅکزي له حکومت څخه غوښتي چې له افغانستان سره د دښمنۍ پر ځای دې د خبرو او متقابل تفاهم لاره خپله کړي

اڅکزي د جمعیت علمای اسلام پاکستان د مشر مولانا فضل‌الرحمن په کوربتوب د مخالفو ګوندونو په غونډه کې وویل، حکومت باید لومړی د افغانستان له لوري د دښمنۍ د چلند روښانه ثبوت وړاندې کړي

نوموړي ټینګار کړی چې که حکومت د افغانستان په اړه خپلې ادعاوې په قانع کوونکو شواهدو ثابتې کړي، نو دی به یې ملاتړ وکړي؛ خو تر هغه وړاندې باید له کابل سره د اړیکو په برخه کې د دښمنۍ له تګلارې ډډه وشي

اڅکزي همداراز له لومړي وزیر شهباز شریف څخه غوښتي چې د سعودي عربستان او ترکیې ترمنځ د وروستي دفاعي تړون په اړه خلکو ته وضاحت ورکړي

هغه وړاندیز کړی چې په دغه ډول دفاعي همکاریو کې دې ایران او مصر هم شامل کړل شي، څو د ده په وینا، د اسلامي هېوادونو ترمنځ یو پیاوړی ګډ ځواک رامنځته شي