پخواني ولسمشر حامد کرزی: د نجونو زده‌کړې او د ښځو کار د افغانستان د نړیوال مشروعیت مهم شرطونه دي

اشتراک گذاری:

بریانیوزشنبه ( ۳۱ / اسد /۱۴۰۵هـ.ش)

کابل – د افغانستان پخواني ولسمشر حامد کرزي ویلي، د نجونو زده‌کړې او د کار په بازار کې د ښځو حضور د افغانستان د نړیوال مشروعیت د ترلاسه کولو له مهمو شرطونو څخه دي

کرزي ټینګار کړی چې د ښځو او نجونو پر وړاندې د محدودیتونو دوام نه یوازې د هېواد پر ټولنیز او اقتصادي وضعیت اغېز کوي، بلکې د افغانستان له نړیوالې ټولنې سره د اړیکو د پراختیا پر بهیر هم منفي اغېز لرلی شي

نوموړي ویلي، د افغانستان د راتلونکي لپاره اړینه ده چې د نجونو د زده‌کړو حق بېرته خوندي شي او ښځو ته اجازه ورکړل شي چې د هېواد په اقتصادي او ټولنیز ژوند کې خپل فعال رول ولوبوي

د کرزي په وینا، د ښځو د حقونو رعایت او د زده‌کړو او کار زمینه برابرول کولی شي د افغانستان د نړیوالو اړیکو د پراختیا او د نړیوال مشروعیت د ترلاسه کولو لپاره زمینه برابره کړي