اخبار فوری
ګاونډیو هېوادونو : د ایران ګاونډیو هېوادونو د سیمې د کړکېچ د کمولو لپاره د ډیپلوماسۍ پر بیا پیاوړتیا ټینګار وکړ
فــــهــــيـــم شـاهـیـن
01 میزان 1405
42
ګاونډیو هېوادونو : د ایران ګاونډیو هېوادونو د سیمې د کړکېچ د کمولو لپاره د ډیپلوماسۍ پر بیا پیاوړتیا ټینګار وکړ
(بریانیوز چهار شنبه (۱/ میزان /۱۴۰۵هـ.ش
د ملګرو ملتونو د عمومي اسمبلۍ د ۸۱مې غونډې په څنډه کې د ایران د څلورو ګاونډیو هېوادونو، پاکستان، ترکیې، مصر او سعودي عربستان بهرنیو چارو وزیرانو د سیمې د روانو ترینګلتیاوو په اړه اندېښنه څرګنده کړې او د اوږدمهاله حل لپاره یې د ډیپلوماټیکو هڅو پر بیا پیل ټینګار کړی دی
د ګډې اعلامیې له مخې، د یادو هېوادونو وزیرانو ویلي چې د سیمې د کړکېچونو د پای ته رسولو او د تلپاتې سولې او ثبات لپاره باید د خبرو اترو او ډیپلوماسۍ لارې پیاوړې شي
دوی د تلپاتې «سولې او ثبات» د ټینګښت لپاره د اسلاماباد هوکړې د عملي کېدو پر اړتیا هم ټینګار کړی او ویلي یې دي چې د شخړو د حل لپاره باید سیاسي او ډیپلوماټیکې لارې تعقیب شي
په ګډه اعلامیه کې د سعودي عربستان پر وړاندې شوي بریدونه هم غندل شوي، په ځانګړي ډول هغه بریدونه چې حوثیانو ترسره کړي دي
د څلورو هېوادونو د بهرنیو چارو وزیرانو په داسې مهال دغه څرګندونې کړې چې په منځني ختیځ کې روانو کړکېچونو د سیمې پر امنیت او ثبات اندېښنې زیاتې کړې دي
دوی ټینګار کړی چې د سیمې د هېوادونو ترمنځ خبرې او همغږي کولی شي د کړکېچونو د کمولو او د اوږدمهاله سولې لپاره زمینه برابره کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl