سیاست

واشنګټن : د الهان عمر پر کور د امریکايي ځواکونو چاپه؛ نوموړې پېښه سیاسي ځورونه بولي

اشتراک گذاری:

(بریانیوز سه شنبه (۲۱/ میزان /۱۴۰۵هـ.ش

د امریکا د کانګرس د مسلمانې غړې الهان عمر پر کور د پلټنو لپاره د امریکايي ځواکونو د ورتګ خبر خپور شوی دی. د ورکړل شویو معلوماتو له مخې، د امریکا عدلیې وزارت تایید کړې، چې ځواکونه د محکمې د حکم پر بنسټ د نوموړې کور ته ورغلي وو

الهان عمر، چې د امریکا د ولسمشر ډونالډ ټرمپ له سرسختو سیاسي مخالفانو څخه ده، دغه پېښه سیاسي ځورونه بللې او د ټرمپ پر وړاندې یې خپل مخالفت ته د دوام ورکولو ژمنه کړې ده

نوموړې ویلي، ټرمپ تل پر هغې بې‌ځایه تورونه لګولي، خو د دې فشارونو له امله به چوپه خوله پاتې نه شي او خپل سیاسي دریځ به څرګندوي

د الهان عمر او ډونالډ ټرمپ ترمنځ سیاسي اختلافات له کلونو راهیسې دوام لري. عمر د ټرمپ پر سیاستونو او څرګندونو نیوکې کړې دي، په داسې حال کې چې ټرمپ هم څو ځله د نوموړې پر دریځونو سختې نیوکې کړې دي