اخبار جهان

ایلان ماسک : د امریکا د منځمهالو ټاکنو لپاره جمهوري‌غوښتونکو ته ۲۷۶ میلیونه ډالره ځانګړي کړي

اشتراک گذاری:

(بریانیوز سه شنبه (۲۱/ میزان /۱۴۰۵هـ.ش

د ټکنالوژۍ مشهور میلیاردر ایلان ماسک د امریکا د منځمهالو ټاکنو په درشل کې د جمهوري‌غوښتونکي ګوند د ملاتړ لپاره تر ۲۷۶ میلیونه ډالرو ډېرې پیسې ځانګړې کړې دي

د خپرو شویو راپورونو له مخې، له دې مرستو څخه ۱۵۸ میلیونه ډالره د هغو کمېټو لپاره ځانګړي شوي، چې د جمهوري‌غوښتونکو د سنا مجلس د نوماندانو ملاتړ کوي. همداراز، ۷۶ میلیونه ډالره د «امریکا پک» په نوم سیاسي کمېټې ته او ۱۰ میلیونه ډالره د کن پکستون د ملاتړ یوې ډلې ته ورکړل شوي دي

دا مالي مرستې په داسې حال کې کېږي، چې ماسک تر دې وړاندې ویلي وو، غواړي په سیاسي فعالیتونو کې خپلې مالي مرستې راکمې کړي. د نوموړي تازه اقدام د امریکا په ټاکنیزو سیالیو کې د شتمنو سوداګرو د مالي ملاتړ او سیاسي نفوذ موضوع یو ځل بیا د پام وړ ګرځولې ده