مقاله

اسد قیصر: په خیبر پښتونخوا کې زموږ شاوخوا دوه زره فعالان نیول شوي

اشتراک گذاری:

(بریانیوز چهارشنبه (۲۲/ میزان /۱۴۰۵هـ.ش

د پاکستان تحریک انصاف مخکښ مشر اسد قیصر ادعا کړې، چې له تېرې ورځې راهیسې په خیبر پښتونخوا کې د دغه ګوند شاوخوا دوه زره سیاسي فعالان نیول شوي دي. نوموړي د سیاسي فعالانو پر کورونو چاپې او د پارلمان د غړو نیول په کلکه غندلي او د ټولو نیول شویو کسانو د سمدستي خوشې کېدو غوښتنه یې کړې ده

اسد قیصر ویلي، د سیاسي فعالانو نیول او پر کورونو چاپې وهل د سیاسي اختلافاتو د حل لاره نه ده. نوموړي ټینګار کړی، چې د زور او فشار له لارې د مخالفانو غږ نه شي غلی کېدای او په هېواد کې روانې ستونزې باید د قانون او خبرو اترو له لارې حل شي

هغه د خیبر پښتونخوا له لوړپوړو چارواکو غوښتي، چې د نیول شویو سیاسي فعالانو او د پارلمان د غړو د وضعیت په اړه وضاحت ورکړي او ټول کسان له ځنډ پرته خوشې کړي

د تحریک انصاف دغه مشر د سیاسي فعالیتونو پر وړاندې د محدودیتونو په اړه اندېښنه څرګنده کړې او ویلي یې دي، چې د سیاسي مخالفانو پر وړاندې اقدامات د سیاسي فضا د لا ترینګلتیا لامل کېدای شي

تر اوسه په ورکړل شویو معلوماتو کې د نیول شویو کسانو د هویت، د نیونو د لاملونو او د چارواکو د رسمي دریځ په اړه نور جزئیات نه دي وړاندې شو