اخبار جهان

د بشري حقونو سازمان: د افغان پناه غوښتونکو جبري ستنول دې ودرول شي؛ د شکنجې او ځورونې ګواښ شته

اشتراک گذاری:

(بریانیوز چهارشنبه (۲۲/ میزان /۱۴۰۵هـ.ش

د بشري حقونو یوې نړیوالې ادارې له فرانسې غوښتي چې افغانستان ته د افغان پناه غوښتونکو د جبري ستنولو بهیر سمدستي ودروي، ځکه د دغه بنسټ په وینا، له طالبانو سره هر ډول هوکړه بېرته ستنېدونکي کسان د شکنجې او ناوړه چلند له جدي خطر سره مخ کولای شي

یادې ادارې ټینګار کړی چې فرانسوي چارواکو لا هم د افغان پناه غوښتونکو، په ځانګړي ډول د ښځو، د خوندیتوب لپاره لازم ډاډ نه دی ورکړی. د دې بنسټ په وینا، هغه کسان چې افغانستان ته ستنېږي، ښايي له جدي ګواښونو سره مخ شي

د بشري حقونو دغه بنسټ همداراز ویلي چې تر دې وړاندې هم افغانستان ته بېرته ستانه شوي کسان نیول شوي او ځورول شوي دي. له همدې امله یې له فرانسې غوښتي چې د پناه غوښتونکو د خوندیتوب په اړه د روښانه او باوري تضمینونو تر ترلاسه کېدو پورې د هغوی د جبري ستنولو مخه ونیسي