نصیر احمد فایق: د پخوانیو نظامیانو نیول، شکنجه او وژل بشري فاجعه ده

اشتراک گذاری:

(بریانیوز چهارشنبه (۲۲/ میزان /۱۴۰۵هـ.ش

په ملګرو ملتونو کې د افغانستان دایمي استازي نصیر احمد فایق د پخوانیو افغان نظامیانو نیول، شکنجه کول او وژل یوه بشري فاجعه بللې او ویلي یې دي چې دا لړۍ د طالبانو د عمومي بښنې له اعلان سره سره لا هم دوام لري

فایق په هلمند ولایت کې د پخواني نظامي الله داد بادیزي وژنې ته په اشارې سره، د دې پېښې او ورته نورو پېښو د خپلواکې او رڼې پلټنې غوښتنه کړې ده

هغه د ملګرو ملتونو له مرستندویه پلاوي (یوناما) غوښتي چې د دغو پېښو په اړه څېړنې وکړي، عاملان یې وپېژني او د خپلو کړنو په تړاو یې حساب ورکولو ته اړ کړي

د نوموړي په وینا، د پخوانیو نظامیانو پر وړاندې د تاوتریخوالي د پېښو دوام د عمومي بښنې له اعلان سره په ټکر کې دی او د دې موضوع د جدي څېړنې اړتیا په ګوته کوي