اخبار جهان

سېنټکام: د هرمز تنګي امنیت د امریکايي ځواکونو او سیمه‌ییزو شریکانو په لاس کې دی

اشتراک گذاری:

(بریانیوز چهارشنبه (۲۲/ میزان /۱۴۰۵هـ.ش

د امریکا مرکزي قوماندانۍ (سېنټکام) د ایران د سپاه پاسداران د سمندري ځواکونو هغه ادعا په کلکه رد کړې چې ګواکې د هرمز تنګی یې په بشپړ ډول تر خپل کنټرول لاندې راوستی دی

سېنټکام په یوه بیان کې ویلي چې د هرمز تنګي امنیت او کنټرول د امریکايي ځواکونو او د هغوی د سیمه‌ییزو شریکانو په لاس کې دی. د دغې قوماندانۍ په وینا، امریکايي ځواکونو په دې برخه کې مرسته کړې چې له ۱۹ میلیونو بېرلو ډېر خام تېل په خوندي ډول د هرمز تنګي له لارې ولېږدول شي

هرمز تنګی د نړۍ د انرژۍ د لېږد له مهمو سمندري لارو څخه دی او د تېلو د نړیوالې سوداګرۍ په بهیر کې مهم رول لري. د دې تنګي پر کنټرول د امریکا او ایران ترمنځ اختلافونه د نړیوالې انرژۍ پر بازارونو د اغېز لرلو له امله ځانګړی اهمیت لري