اخبار فوری
فــــهــــيـــم شـاهـیـن
23 میزان 1405
30
روسلان سلیمانوف: د نړۍوالو بحرانونو له امله افغانستان د نړۍ له پامه غورځېدلی
(بریانیو پنجشنبه (۲۳/ میزان /۱۴۰۵هـ.ش
روسي خبریال روسلان سلیمانوف وایي، په نړۍ کې د پرلهپسې بحرانونو او نورو نړیوالو مسئلو له امله افغانستان د نړیوالې ټولنې د پام له مرکز څخه لرې شوی او افغانان داسې احساس کوي چې لوېدیځ یې هېر کړي دي
سلیمانوف، چې د زمري میاشتې په اوږدو کې افغانستان ته تللی و، په کندهار کې یې د طالبانو له ویاند ذبیحالله مجاهد او یو شمېر عامو خلکو سره لیدلي دي. نوموړي په بریتانیا کې د افغانستان په اړه یوې غونډې ته په وینا کې د دغه هېواد پر روان وضعیت او د نړیوالو پام ته د افغانستان د اړتیا په اړه خبرې کړې دي
نوموړي ویلي، افغانان په ځانګړي ډول د لوېدیځ له لوري د هېرېدو احساس کوي. هغه د خپلې پخوانۍ تجربې په یادولو سره ویلي، درې کاله وړاندې د ښځو د لاریونونو د انځورونو اخیستو پر مهال د طالبانو له خوا درې ورځې بندي شوی و، خو د ده په وینا، اوس د افغانستان په واټونو کې هېڅ لاریون نه لیدل کېږي
سلیمانوف ټینګار کړی چې له طالبانو سره خبرې اترې د افغانستان د روان وضعیت د حل لپاره یوازینۍ لاره ده د هغه څرګندونې په داسې حال کې مطرح کېږي چې د افغانستان وضعیت، د ښځو حقونه او له نړیوالې ټولنې سره د تعامل څرنګوالی لا هم د نړیوالو بحثونو مهمې موضوعګانې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl