اخبار فوری
پاکستاني ځواکونو د پکتیکا په ارګون ولسوالۍ کې پر ولسي کورونو برید کړی؛ طالبان وايي دا عمل د اوربند ښکاره ماتول دي
فــــهــــيـــم شـاهـیـن
25 میزان 1404
187
کابل – (ځانګړې راپور): فهیم شاهين آزاد ژورنالیست
د طالبانو د حکومت سرچینې وايي چې پاکستاني ځواکونو د پکتیکا ولایت په ارګون ولسوالۍ کې پر ولسي کورونو برید کړی دی. د یوه ولایتي چارواکي په وینا، دا برید د جمعې ماښام مهال د ارګون ولسوالۍ د "خانهدار" کلي په یوه کور ترسره شوی، چې له امله یې څو ملکي وګړي شهیدان او ټپیان شوي دي
سرچینه زیاتوي، په پام کې وه چې د شنبې په ورځ د طالبانو حکومت یو پلاوی له پاکستاني استازو سره د پولهيې کړکېچ د کمولو په اړه خبرې وکړي، خو دا پېښه ښيي چې پاکستان د اوربند او ژمنو درناوی نه دی کړی
د طالبانو د حکومت ویاند ذبیحالله مجاهد تر دې وړاندې ویلي وو چې امارت تر هغه د اوربند ژمن پاتې دی، څو د افغانستان پر خاوره "تجاوز" ونه شي. خو د تازه برید په تړاو یې تر اوسه رسمي څرګندونې نه دي کړې
له بلې خوا، د پاکستان حکومت هم تر دا مهاله په دې اړه رسمي دریځ نه دی څرګند کړی
د سیمه ییزو شنونکو په باور، دا ډول بریدونه کولی شي د دواړو هېوادونو اړیکې لا پسې کړکېچنې کړي، او د پوله يې امنیتي وضعیت د لا خرابېدو لامل شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF