اخبار فوری
د ترکیې د بهرنیو چارو وزارت اعلان کړی چې د طالبانو او پاکستان تر منځ د اوربند د دوام او د خبرو د بل پړاو د پیل په اړه موافقه شوې ده
فــــهــــيـــم شـاهـیـن
09 عقرب 1404
162
د دغه وزارت په وینا، دواړو لوریو د پنجشنبې په شپه، د عقرب په اتمه نېټه، د ترکیې په منځګړیتوب هوکړه وکړه چې د اوربند بهیر ته دوام ورکړي او د راتلونکو خبرو پړاو به د نومبر په شپږمه نېټه په استانبول کې ترسره شي
د طالبانو او پاکستان تر منځ دا مذاکرات، چې د څو ورځو لپاره د ترکیې په پلازمېنه انقره کې ترسره شول، د ترهګریزو ډلو د فعالیتونو د څار او د سرحدي امنیت د همغږۍ لپاره د یوه ګډ میکانیزم د جوړولو په موخه ترسره شوي وو
سرچینې وایي چې د خبرو پر مهال دواړو لوریو د شخړو د راکمولو، د سرحدي تاوتریخوالي د مخنیوي او د سیمهییز ثبات د ټینګښت پر موضوعاتو هم بحث کړی دی
د ترکیې د بهرنیو چارو وزارت ویلي، هېواد یې چمتو دی چې د طالبانو او پاکستان تر منځ د باور د فضا د رامنځته کولو لپاره خپل منځګړیتوب ته دوام ورکړي او د راتلونکي پړاو د خبرو کوربهتوب وکړي
باید وویل شي چې د طالبانو او پاکستان اړیکې له تېرو میاشتو راهیسې د سرحدي شخړو او د "تحریک طالبان پاکستان" د فعالیتونو له امله ترینګلې شوې دي، خو د ترکیې په منځګړیتوب دا نوې موافقه د دواړو هېوادونو تر منځ د اړیکو د بیا نرموالي یو مهم ګام بلل کېږي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF