اخبار فوری
هندوستان : په فضایي ټکنالوژۍ کې د هند تاریخي لاستهراوړنه؛ د تر ټولو ستر راکټ بریالی توغول
فــــهــــيـــم شـاهـیـن
12 عقرب 1404
121
نوی ډیلي – د هند د فضایي څېړنو اداره (ISRO) نن د هندوستان هېواد په فضایي تاریخ کې نوې پاڼه واړوله، ځکه چې د دې ادارې لهخوا تر ټولو ستر او پرمختللی راکټ په بریالۍ توګه فضا ته وتوغول شو
د معلوماتو له مخې، د راکټ ټولیز وزن شاوخوا ۴۴۱۰ کیلو ګرامه و، او دا تر اوسه پورې د هند له لوري فضا ته لېږل شوی تر ټولو دروند او پرمختللی راکټ بلل کېږي
د هند د فضایي چارو چارواکو ویلي، د دغه ماموریت اصلي موخه د مخابراتي سپوږمکۍ ځای پر ځای کول دي چې د هند د سمندري ځواکونو، بېړیو، اوبتلونو او الوتکو تر منځ د اړیکو د لا ښه کولو لپاره کارول کېږي
دوی زیاته کړې، دا سپوږمکۍ به د دفاعي او استخباراتي برخو تر څنګ، د هند د بیړني مخابراتي شبکو په پیاوړتیا کې هم مهم رول ولوبوي
د هند لومړي وزیر نریندرا مودي د راکټ د بریالي توغولو په مناسبت ویلي، دا د هند د ساینسپوهانو او انجنیرانو د زحمت او نوښت څرګندونه کوي.
هند اوس نه یوازې د فضا د څېړنې برخه کې ځان ثابت کړی، بلکې موږ هوډ لرو چې تر ۲۰۴۰ کال پورې خپل ستورمزلی سپوږمۍ ته واستوو
یاده لاستهراوړنه د هند لپاره یو ستر پرمختګ ګڼل کېږي، ځکه چې دا هېواد غواړي په نږدې راتلونکي کې د نړۍ د مخکښو فضایي قدرتونو له ډلې واوسي
کارپوهان وايي، دا توغندیز ماموریت به د هند د دفاعي وړتیاوو، مخابراتي نظام، او نړیوال اعتبار د لا لوړولو سبب شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF