اخبار فوری
مسکو – د روسیې د ولسمشرۍ ماڼۍ کرملین: د روسیې درېګونې هستوي ځواک د نړۍ تر ټولو پرمختللی نظام دی
فــــهــــيـــم شـاهـیـن
15 عقرب 1404
111
مسکو – د روسیې د ولسمشرۍ ماڼۍ یا کرملین ویاند، دیمیتري پسکوف، اعلان کړی چې د روسیې درېګونې هستوي ځواک (ځمکنی، سمندري او هوايي اټومي ځواک) په بشپړ ډول نوسازی شوی او اوس د نړۍ تر ټولو پرمختللی او ځواکمن دفاعي سیستم بلل کېږي
پسکوف زیاته کړه چې مسکو د نړیوالې وسلوالې سیالۍ برخه نه ده، خو د خپلو ملي امنیتي ګټو د خوندیتوب لپاره د عصري دفاعي تکنالوژۍ لرل اړین بولي
د هغه په وینا، روسیه د هر ډول بهرني ګواښ پر وړاندې چمتو ده او د خپل اټومي ځواک د ثبات او اعتبار لپاره په دوامداره توګه نوې وسلې او تجهیزات ازمويي.
: نوموړي همداراز وویل
> «د روسیې درېګونه هستوي سیستم، د نړۍ له هر بل ځواک څخه تخنیکي پلوه یو ګام وړاندې دی. دا سیستم زموږ د ستراتیژیک توازن بنسټ جوړوي او د روسیې د ملي حاکمیت تضمین دی
دا څرګندونې په داسې حال کې کېږي چې لوېدیځ هېوادونه د روسیې د نوي اټومي ازموینو او د وسلو پراختیا په اړه اندېښنه لري، خو کرملین ټینګار کوي چې د دې پرمختګ هدف یوازې دفاعي دی، نه تهاجمي
کارپوهان وايي، د روسیې د درېګونې هستوي ځواک نوسازي کې د «یارس» بینقاره توغندیو، د «بوری» کلاس اټومي اوبتلونو او د ستراتیژیکو بمافکن الوتکو پرمختګ شامل دي، چې دا هېواد یې د نړیوالو ځواکونو په ډګر کې یو ځل بیا مخکښ کړی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF